مالك إبل يقتل مواطنا رمياً برشاش في رفحاء

محايد

لاحول ولاقوة الا بالله العلي العظيم قتل النفس من السبع الموبقات ونسأل الله العافيه أصبحت بالأمر السهل عند بعض الناس وعند أتفه الأمور
وأما بالنسبه لبعض اهل الابل فيه من الغطرسه والكبريا لدرجة التعدي على املاك ومزارع الناس
وقبل فتره قصيره تعرض شاب لحادث صدم ناقه وعند خروجه من السياره اعتدى عليه مالك الناقه وأبنائه بالضرب ولولا لطف الله ثم عابري الطريق لا حصل مالا تحمد عقباه .. بسبب هذه الناقه البهيمه والتي قدست عند بعض البشر لدرجة الرقص عليها وكتابة الشعر فيها والتعدي على حقوق الآخرين بسببها الى متى هذا التخلف ..ً

كروز

احمد ربكم على العافيه البدو فيهم رجال علم ووعي وقضاه وليس بالهمجيه الذي تطرق لها بعض السفهاء والجهله

عادل

انت السفيه الرجال مضروب ضرب قوي وتجي انت تقول سفهاء

هجراوي

اتوقع السبب حماية الفياض ..
الله يرحم الميت ويصبر اهله… ويكون بعون القاتل

غير معروف

هاذي علامات الساعه ..

غير معروف

وش دخل علامات الساعه ?? كل شي اليوم قالو علامات ساعه

غير معروف

من علامات الساعة كثرة القتل

قدر الله وماشاء حصل

السلام عليكم ورحمة الله وبركاتة
يا اخوان بالنسبة لمشاجرة الهاجري والشمري الواقعه في رفحاء كثرة فيها الاشاعات والكلام وهذا لا يجوز تحريف الامور لتضخيم الامر واستكساب مشاعر الناس وعاطفتهم بتحريف ماجري وهذا قدر يكتبة الله للانسان ولايمكن من كان تغير قدر مكتوب للانسان ولارده والحمدلله على كل حال والحمدلله الذي عافانا مما ابتلاهم به وفضلنا عليهم تفضيلا فاهذا بلاء ومصيبة
الله يكفينا وياكم من (( قهر الرجال ))
الحادثة وهي
ان قام الشمري وهم ثلاث اشخاص بهجيج ابل الهاجري وضرب رعيانه لمدة اربع ايام من ارض فضاء يعتبره الشمري حمى له وهذا ماجعل الهاجري يقول له انها ارض تمتلكها الحكومة وانت لاتملك صك ولاعقد تفيد انها لك وتخرجني منها ولكن الشمري يقول انها عرف بيننا ان هذا الحمى حمى لوالدي ولايوجد شي رسمي وبعد اسبوع من مناوشات قام اليوم بضرب رعيان الهاجري وهجيج ابله امام عين الهاجري وقام بالذهاب لم وهم ٣ شبان اعمارهم تتراوح بين ٢٨ الي ٣٠ سنه وقاموا بشدة الحوار بينهم وقاموا بضرب الهاجري حتي تألم بشده ورجع الهاجري للعزبة واخذ سلاحه ورجع لهم وهم في بيت الشعر وهم ثلاثه شباب وقام برمي اكبرهم وهو مسبب المشكلة ،،، وقام الهاجري لتسليم نفسة لاقرب مركز شرطة

الحقيقه

مهوصحيح الشمري وحده ماعنده الا امه واخته والهاجري دق بوري عند بيت الشمري طلع له فايد وهو اساس اصغر اخوانه وعلى طول اطلق عليه النار واسعفته مه واخته ومات من النزيف قبل المستشفى ولاعنده احد من اخوانه حتى امه هي الي تسوق السيارة والشكله كانت بين اخوه الكبير وصاحب الابل وهو مادري بالسالفه واخوانه مهم حاظرين. بوم يجي الهاجري

غير معروف

منجد مايستحون وين كرمهم قايمين على شايب بدل مايعزمونه بهججونه يستاهلون

غير معروف

كما قلنا كذا الانذال يكرهون شمر مثلك تكلم بلكرم
لانك مقهور من قبل شمر ولكرم اناس تكلم في قاتل ومقتول ونت تكلم في كرم

ابو عزوز

قدر الله ومشاء فعل
انت تالف قصه من مخيلتك لانه قتل امام عين امه وليس ثلاث شبان فلا تدعي ان اشخاص يقواون الاشاعات ونت الاشاعه نفسها والشخص الي توفاه الله عمرة عشرين سنه وليس 28 كما تدعي ونتبه لما تكتبه باصابعك لانها سوف تشهد عليك بالاخرة

طارق

انت معهم !!!!

احمد

اﻻخ عواد الشمري
بيض الله وجهك كﻻم عاقل وحكيم
اثابك الله

ابوفراج

اﻻخ عواد الشمري
بيض الله وجهك كﻻم عاقل وحكيم
اثابك الله

جنوباي

ياجماعه خافو الله ولاتحكمو على الناس بالباطل..القاتل قتل المقتول بسبب حمى الفيضه من المقتول وتعديه على أبناء ورعيان القانل بالضرب وكآنه حاكم لهذه الفيضه..ولهذا حصل اللي حصل والله يغفر للمقتول ويعين القانل على بلواه.!!

عليان فايد الشريهي

الله يرحمه ويصبر اهله ،
انا لله وانا اليه راجعون

عليان فايد الشريهي

الله يرحمه

الصريح جدا

عزالله عاده يااهل رفحا وحايل من جاكم من اهل الحلال ناشبتوه واذيتوه بنفسه وانا حصلت معي قصه برفحا وبغت تصير ذبحه فيها بسبب حمي الفياض من قبل اهل رفحها وكل ماقلنا لهم شي قالو محمياتنا وديارنا مادرو انهم مايملكون غير صك بيوتهم وانشهد ان العتيبي راع القصيده ماكذب يوم قال عسى هاك الربيع الي على ??? مايعودي اقسم بالله رحنا لجميع القبايل بدايرها ومالقينا الا الترحيب والحترام واثر السوالف الي نسمعها عنهم من كرم وتقدير للضيوف طلعت كلها هياط وفرقعات اعلاميه

شمالي

الله يسترنا فوق الارض وتحت الارض ويوم العرض

سنعوسي

تخسي وتعقب يالكذوب اهل الشمال فيهم خير واهل طيب وكرم ومعروف هالشي ياقليل الشرف لو بك ذرة شرف ماتعمم بكلامك على اهل الشمال وخاصة اهل حايل
لكن عساها بذمتك يوم تظلم حظك الله يظلمك بنفسك يالكذوب

يارب رحمتك

الله يرحم المتوفى ويعين القاتل
مثل هاذي الأمور يجب عدم الحكم او التدخل بها ولكن عندي نقطة أحب أن أوضحها : في كل التعليقات رأيت من يسب الإبل وأنا أستغرب من منْ يقول كذلك
( الحادثة شخصية وليست للإبل المتوفى الله يرحمه ضرب القاتل ، والرسول صلى الله عليه وسلم في مامعنى كلامه قال : اللهم إني أعوذ بك قهر الرجال ) وأخيراً إحمدوا الله ع العافية

غير معروف

الله يرحم الميت ويكفينا وياكم شر البلاوي

العتيبي

الله يرحمه ويكفينا وياكم شر البلاوي

محايد

الاخ الذي أشار. بان معظم التعليقات فيها سب للإبل نقول لجميع الاخوه الابل ايه في الكون وخلقلها عبره ولايجوز سبها. ولكن أيضاً لايجوز ان تقدس بهذا الشكل ويعتدى على المسلمين وتهزهق الأرواح بسببها فإذا كانت غاليه عند اهلها فان نفس الانسان اغلى منها ومحرمه ويجب على اهل الابل الابتعاد عن املاك الناس وحقوقهم وطالما ان الابل غاليه ومقدسه بهذا الشكل الخرافي عند أصحابها يجب عليهم الذهاب الى الأماكن العروبه البعيده الغير مملوكه لأحد والبعيدة عن المشاكل وباب يجي منه ريح سده واستريح البعد عن أسباب الشر بحلالك ونفسك …….
ومن خلال توضيح الاخ عن المشكله ان لها اكثر من اربع ايام. يجون ويبلغونه ان الفيضه مملوكه ومحميه يفترض في هذه الحاله انه طلع ابله الى مكان اخر أمن ليه العناد مهما حصل من الطرف الاخر يجب تحكيم العقل والمنطق نسال الله العفو والعافيه ايش اللي استفاد من بقائه الا انه ارتكب جريمة قتل وشتت شمله الله يحمانا واياكم ممن ابتلاه …
نصحيه : الرجل العاقل يترك جزء من حقه لتفادي المشاكل والأخطاء وعمر الكلام والسب ما أنقص من قدر احد او قلل مكانه .. الله يديم علينا وعلى الوطن والقياده الرشيده والشعب الكريم الامن والسلام والاستقرار
وتقبلوا خالص تحياتي ،،،،،،،،

العازمي طارق

الي يسمعكم ان الحكم بيدكم انت وياه
الله لايطيح مسلم بيدكم ماعندكم الا العنصريه
يا راعين التعليقات الا قليل منكم
الله يرحم حيهم وميتهم

عامر

السلام عليكم ورحمه الله وبركاته

عامر الشمري.

السلام عليكم ورحمه وبركاته
اولا الشيطان مامات ثانيا لا يجوز الشماته الشخص القاتل لا يمثل قبيلته ولا يمثل أهل أبل ولحد يحكم علئ احد من الطرفين لان مايعلم خلافهم الا الله وثالثا والأخير مالكم شغل في أعمارهم إنتوا مو لجنة تسنين ،

عامر الشمري.

والله يرحم المتوفي ويصبر أهله ويلهمهم الصبر والسلوان والقاتل ينال جزاه سوا من الدولة او حكم الله

عمر

الله يكون بعون القاتل ويغفر للميت

الرويلي

الله يرحم المتوفي ولله يعين القاتل
بس ولله مثل شمامره رفحاء وماهو كلهم بعضهم يوم يحمي القاع وش انت يوم تحميها اهل الحلال توذو من المحميات الدوله وانت تحمي وين يغدي الرجل بحلاله
هذا طبع بهل رفحاء والاجانب يحسبون اهل الشمال كلهم مثلهم

غير معروف

الموضوع هو انه كان للشيطان الدور الكبير فية وان الشمري المقتول قام بضرب الهاجري بالبداية هو واخوانه ثلاثة وهجو ابلة ودعمو حلالة فما كان منة الا ان يداع عن نفسة وحلالة

شمالي

السلام عليكم ورحمة الله وبركاته :-
اولاً :- إنا لله وإنا اليه راحعون
ثانياً :- اللي يقول يذبح عند بهيمه من خلقت الدنيا والناس تتذابح عند بهايم
ثالثاً :- على اي اساس المقتول حامي ارض الله عن البهايم ويبي يحرم الناس ان تستفيد من الربيع اللي فيها الا اذا كان هو يبي ياكل المرعى عن البهايم
رابعاً :- معروف عند اسلوم العرب انه عيب تطنب او تدق بوري على البهايم حسمة لاهلها
خامساً :- انا لو اني مكان الهاجري سويت مثل ماسوى لاهو محترم الرجال ومقدره وهو بعتبار انه ضيف على اهل الشمال كافه
سادساً:- اتمنى اللي صار يكون عبره للي حامين الفياض ويقول افياض ابوي وجدي ابوك وجدك متى حموهن واتركوا عنكم المهايط
سابعاً :- خلو اهل الحلال يستفيدون من الربيع كلها كم اسبوع وراح يحمس

ابو عزوز

انا لله ونا اليه راجعون
انت ياشمالي مافيك من اسلوم العرب ولو انك مكانه كان سويت زيه هي الدنيا فوضه تقتل على اي شي وهذا من هياطك
ولا تهرج بشي مالك علم فيه حسبي الله ونعم الوكيل فيك لانك مافقدت اخ مقتول .

شمالي

اسلوم العرب مستعد ادرسها لك ولمن هم على شاكلتك اللي شوهت سمعت اهل الشمال .. لا شك انك امعه تهرف بما لا تعرف .. اجل فوضى تمد يدك ع رجال اكبر منك سن لا انت محشم شيبات ولا قدرت انه جاي من ديره بعيده .. علشان وشو علشان عشب بله فيضه !!! وانت ماعندك ماعند جدتي واصح من ردك ان فيك اضطراب نفسي بعد اللي صار شكلك حامي لك كم فيضه !!!

شمالي

اللهم لك الحمد ع كل حال

منصور العتيبي

الله يرحمه ويسكنه جناته يارب ويفك أسر القاتل ويرحم الي مقتول

ماحدن واصل مواصيله

الله بخارج الهاجري

غير معروف

الهاجري في عزبته وعند حلاله ورجال عمره سبعين سنه شلون يضربون شايب ويهججون ابله وين الاحترام لكبير السن مالوم الشايب انقهر حسبي الله ونعم الوكيل مثل مابلوه الله يفك عوقه

موحد

ان لله وإن اليه راجعون الله يفك عوق الهاجري ويرحم المتوفي ويقول الله تبارك وتعالي ً ولا عدوان الا على الظالمين ً والهاجري ابتلا في عمره وحلاله ومادون الحلق اله الايدين

غير معروف

لحد يتكلم في شي هو مايدري عنه الرجال منقهر حتی لو ماقتله اكيد كانوا هم الثلاثه بيقتلونه ولو انهم رياجيل وفيهم شيمه ماسوا في الرجال سواتهم السودا مانقول الا حسبي الله علی الي بلاه

ناصر

وفيت وكفيت لا فضى فوك

غير معروف

الدنياء محكومه ام انك تزبح الرجال وتهرب لمركز الشرطه مهو منطق

ليت شمر هل لي

قدر الله وما شاء فعل

الهاجري شايب عمره 64 سنه ورجل زحل وعاقل ودليل قوم و الشمري واخوانه شباب اعمارهم من ال 30 وتحت هم ثلاثه وهو بروحه معى رعيانه
الشمري الله يرحمه ويعفى عنه المفروض اذا لك حق تشتكي للحكومه والحكومه تنصف ما يصير تجي لرجال كبر ابوك وتضربه الناس كراماتها عزيزه عليها
والهاجري رمى الشمري في رجليه يعني ما هو قاصد يذبحه لكن الله كتب ان الإصابه جات في شريان دم واستمر نزيفه ومات في المستشفي بعد 5 ساعات
الله يغفر له ويرحمه

ثانيا وش هالسلم الجديد من هو اللي يحمى الجيان حنا في دوله قانون ولا رجعنا لسنين الجهل

اما المحرضين اقولهم خاب مسعاكم

العلاقه بين هالقبيلتين استثنائه ولا بعد جاء بينهم شر من خلقة الدنيه والهاجري يفرح بالشمري لو ما يعرفه والشمري لواجه الهاجري كنه مبشر والوجيعه على الجميع وهذي ومثلها تجري على الرجال واكثر الله
ولا حول ولا قوة إلا بالله

واللي عنده كلمه تطيب النفوس وتعزي الناس في مصيبتها ولا فيكف عن التحريض واثارة النعرات والشماته

ترى الأيام سلف ودين ما سويت فالناس تلقى عقايبه

وعسى الحكومه تحل مشكلت حمي الجيان والعشب

اذا لهم حق تنثفهم واذا هي بلطجه تكفهم

كل سنه القبايل تربع شمال اذا ما تنظم الوضع كل سنه راح يصير مثل هالمصيبه و أكثر

أبو شامه

اللهم صل ع محمد
ياخواني آسفني الخبر وأسأل الله أن يعينهم ع بلواهم
أما الحلال والمراعي والبدو والابل والله انها عجب بل فتنه والمال فتنه كماذكر في كتاب الله عز وجل ولا اشوف ان لأحد حق أن يمن عطا الله من ربيع ع احد اللي يقول من الحق ع راع الابل يحفظ ابله يبو يوديها وين تقترحون لها كوكب آخر علشان ماتضايقكم
اقول لصاحب هذا اللهجه حليلك ماعندك أبل ولا تنسون يا اخوان الماشيه بشتى انواعها اسعارها في نزول مقابل الغلا فالشعير والبرسيم والبدو مالهم عيشه غيرها ياللي ماتدري ان كيس البر ارخص من كيس الشعير بمقابل انك في منزلك قد لاتستهلكه في أقل من شهر وهذي الماشيه تستهلك أكياس وين الجدوى إذا رأيت الربيع فأعلم أنه من الله لعل الله رزق به ملهوف يغيثه به
ياخوان لو اهل الحلال هملو حلالهم ما استمتعو كثير من الناس بموائدهم العريضه
راع الحلال مافارق الهم قلبه