مساند: صاحب العمل يتحمل تذكرة سفر العمالة في تلك الحالة
أوكرانيا وأمريكا توقعان اتفاقًا بشأن المعادن
ارتفاع أرباح بنك الجزيرة 20% إلى 361 مليون ريال بالربع الأول
شباب هذا العصر يفتقدون السعادة!
انفجار خط غاز رئيسي في مصر يقتل 3 أشخاص ويصيب 13
توقعات الطقس اليوم: أمطار وسيول وبرد على 13 منطقة
المزايا المتاحة بخدمة بياناتي المطورة في أبشر
أمطار متوقعة وسيول من الجمعة إلى الثلاثاء بعدة مناطق
وظائف شاغرة في شركة تهيئة وصيانة الطائرات
وظائف شاغرة بـ جامعة الملك سعود الصحية
-
33°
سَطر قائدُ الحرس الملكي البحريني نجل العاهل البحريني العقيد الركن ناصر بن حمد أبياتاً شعرية متغنياً بالسعودية تزامناً مع عاصفة الحزم.
وقال في قصيدته المعنونة بـ”إلا السعودية”:
يقول اخو نجلا عن البحرين
لإخوان نوره فالسعودية
رد الوفا واجب على الوافين
وأفعالكم ماهيب منسيه
وحنا لاوقفنا نرد الدين
ورد الوفا بأسما معانيه
حان الوعد ماعد به بعدين
بنروي الكبود وننجح الكيه
حنا عذابك ياذرى الغاوين
دام المعارك نارها حيه
خلك على قدك وفالك شين
بتموت والاحلام وهميه
وعلم هبيل الرأي أبو وجهين
الجاحد اللي نيته نيه
هذا الحوار اللي تشوف الحين
حسب قناعتنا السياسيه
وحنا لاجا اللازم خليجين
بقوات برية وجوية
وان جا البحر ماعندنا ثنتين
بنحرك اسطولات بحريه
يالكبتن الطيار مابه وين
النصر بان ولاح طاريه
اركب على اللي فاللزوم تبين
فالحرب ماهيب احتياطيه
حلق سما ما بين قلب وعين
من تحتك الأهداف مسميه
حدد مواقعها من الصوبين
على الخطوط الاستوائيه
ثبت الإشارة واسحب التخزين
وفي كل موقع حط ماريه
قنابلك منها الحديد يلين
ماهيب ضوئيه وصوتيه
أبشر بنا ياخادم البيتين
وأبشر بوقفتنا البطوليه
يالحاكم اللي ترهب الطاغين
وترجع الحاكم لكرسيه
فيك التواضع والعدل والدين
وفيك الشجاعه والفروسيه
وحنا بعاصفة الحزم ماشين
والحق ماله غير راعيه
حنا العرب حنا عمى الغازين
والكل منا له عزاويه
مانستمع في كلمة الواشين
وحدودنا بالروح مفديه
هذي رسالة من هل البحرين
مضمونها “الا السعودية!”
تابعوا قناة المواطن على واتساب
سعد
بيض الله وجهه قصيده جزله ومعبره ومن القلب