الكحل والأيدي المنقوشة.. زينة الأطفال في الطائف احتفاء بيوم التأسيس
موجة “برد العجوز” تجتاح المملكة.. تصل ذروتها الأسبوع المقبل
احتفالات يوم التأسيس في العُلا.. تجربة ثقافية وتاريخية فريدة بشعار “السراية”
السديس: يوم التأسيس أظهر التلاحم وعزز شرف الانتساب للمملكة والانتماء لها
رحلة بصرية وسردية .. أهالي الشمالية يستكشفون تاريخ الدولة السعودية في يوم التأسيس
احتفاء بيوم التأسيس.. انطلاق فعاليات ذاكرة الأرض في جدة
مهمة العوجا.. أحداث حقيقية وأبطال مُلهمون في ذكرى يوم التأسيس
أطفال وأهالي جازان يتوشحون الأزياء التراثية في يوم التأسيس
فينالدوم يمنح الاتفاق فوزًا قاتلًا ضد النصر
ترتيب دوري روشن بعد خسارة النصر اليوم
-
21°
نظم الشاعر السعودي طالب الذبياني قصيدة بعنوان “وحدة وطن”، بمناسبة انطلاق عملية عاصفة الحزم بقيادة المملكة العربية السعودية، وبمشاركة تحالف عربي ضد الحوثيين في اليمن.
وقال الذيباني في قصيدته:
دام الوطـــن بقلـــوبنا وأعينـــا *** الأمـــن فــــاله والمحـبة فـــاله
حنا وإذا مـــا قلت حنـــــا حنــا *** قـــد الكلام اليا حــدانا قـاله
إن دخّنت منّـــــا وهبّت منــــــا *** حنا مقابيس الوطن ورجـــاله
نُقـــــدم بروح إصــــرار إنّا إنّا *** إنـا على دك العِـــــدا عجّـــاله
ما عمــرنا للطــــايشين أذعنّـــا *** ولا سمعنا هـرطقـــات حثــاله
إلا على العهد الوفي مـــا خنّا *** من عهد بو تركي لعهد أنجاله
اللي يعنـــون النجـــايب عنّــــا *** يطوعــون اللي تعصّى حــاله
لا هـــان لا هـــان الوطـــن لا هنّا *** ولا يهـــون مــــروّض العيّــاله
نحضن قيــادتنا وهي تحضنّا *** متبـــادلين الحب والإجـــــلاله
وحـــدة وطنّا في سبيل وطنّــا *** كم من دفق روحه وقـــدّم ماله
وكل ثـاير يـــدعي أنــــه منّـــا *** كـــذاب منّـــا لين يفنى حــاله
لا يعتـــــزي فينـــا ولا يزبنّـــــا *** ولا يُهمِّــل في وطنّـــا جمــاله
حنـــا القيــادة والقيــادة حنـا *** محـــد يفـــرق بين أبو وعيــاله
في العنق بيعه والوفــا ديـدنّا *** معـــــي ملكنا لا ولاء إلا لـــــه
مــلك بحبــه حـاطنــا وأسكنّا *** في القلب وأقصى همّنا واشتاله
عشنا ربيعــه والفقــــــير تغنّـــا *** مربعــين الشعب في شلاله
حنا عصـــاه القــــــاسية ما لنّا *** من كفه اليمنى لكف شماله
بأريافنـــــا وديــــــارنا ومـــدنّا *** وحضــرنا وبــدونا الرّحـــاله
لادن طبـــل المعــــركة دنـــــدنّا *** عيــال رجـالٍ نسب وســلاله
دماي الأعدا في المقابض حِنّا *** ودماينا للـدار عطـر رمـــاله
نعقّــــل المهـــووس والمنجنّـــــا *** واللي ورم فكره نشخص حـاله
نناصحــــه وإذا بـــدا يتجنّـــا *** حنّا على استعداد لاستئصاله
من دون وحدتنا سيوف تُحنّــا *** واللي نوى شقـر العصاة يبا له
فركة خشم من كل فارس منـا *** حتى يتــوب ولا يعيــد أفعـاله
تابعوا قناة المواطن على واتساب