“فقيه” يطمئن خريجات الدبلومات الصحية: ستتحقق مطالبكن

عبدالرحمن الشمري

من دون زعل لاثق فيكن ابد ابد ابد

صيدلانيه عاطله

الخير جاي انا واثقه بربي الحمدلله
هذا ابسط حقوقنا ومطالبنا توظيفنا مباشر اسوةً بزميلاتنا التمريض العام
والتعليق السابق يا اللي ما تثق عساك ما وثقت بحياتك
مصنفات ومرخصات من الهيئه الصحيه وهي ادرا فينا وابخص بعلمنا ..

قباله عاطله

نحنا ثقتنا بربنا ثم بوزيرنا العادل
اما اللي مايثق فينا ربي اجعل عمله مايثق فيه
نتعب وندرس ونطبق ونختبر الهيئه وننجح ويجينا شخص مختفي ورى الشاشه ويقول ماعندي ثقه جعلك ماتثق بنفسك

رزقي عليك ياربي

الحمدلله حمداً مكتضاً بالشكر والثناء
الحمدلله حتى يبلغ الحمد منتهاه
متأملين كل الخير بعد الله مع وزيرنا بأنه يطلق خبر توظيفنا دفعه واحده بالقريب العاجل يارب انك على كل شيئ قدير

متدرب في وزارة الصحة

بالنسبة للاخ اللي مايثق .. ترانا مادرينا عنك ولا شلنا هم كلامك أنت واللي معك .. كلامك اللي قلته مر علي كثير وحاليا ولله الحمد على وشك التعيين باذن الله .. بالنسبة للخريجين جميعا سواء رجال أو نساء اسال الله العلي القدير ان لا يضيع تعبكم ويكتمل بالتعيين المباشر بدون تدريب ودوخة رأس
كل التوفيق لكم

عاطله في بلدة المليارات

اللهم لاتجعلنا بحاجة غيرك وانت اقرب إلينا من حبل الوريد
نسألك يا الله التوظيف المباشر لجميع التخصصات الصحية دون استثناء او مماطلة
واللي ما يثق محنا ملزومين نداوي عماك .. والرزق بيد الله مو بيد خلقه

اخصائي تمريض

من المفترض توظيف كل من يحمل مؤهل صحي فورآ بدون اي تعقيد هناك نقص فادح في الكادر الصحي من الفنيين والأخصائيين

عبدالرحمن الشمري

وش يزعلكم هذه حقيقه تحتاااجون اكثر تدريب فهذاعمل لايتحمل اخطاااءكم فالمسئله ليست مجااامله

فني صيدلي عاطل

اخوي عبدالرحمن.. المفروض تقول خير او تصمت .. انت ماتدري عن البنات هذولي ولا تدري عن اي خريج صحي .. من راسك تقول لااثق ومادري وش ومن الكلام التحطيم . وصراحه انا وغيري من العاطلين لانثق ولا ناخذ بكلام المحبطين امثالك لذالك .. خلك مع نفسك ولاتغثنا

خريجة مساعد طبيب اسنان

عبد الله الشمري
مادري حق ويش حاقد علينا
ولو احنا مو دارسين صح كان ماجينا نطالب بوظايف حكوميهة

وواثق الخطوة يمشي ملك ♡

عبدالرحمن الشمري

وأوضحت صباح أبو زنادة أن الممرضين لا يظهرون بالكفاءة المطلوبة «لأن تعليمهم ضعيف جدا ويحتاجون إلى تدريب وعندما يتدربون على يد ممرضة أجنبية نجد أن هنالك مشكلتين؛ ضعف التدريب أولا وهو الأهم بسبب الضغط الذي تتعرض له المدربة، وثانيا أن هذه الممرضة متأكدة أنه وبعد انتهائها من تدريبها ستأخذ الاخيرة وظيفتها»، وتضيف

(هذا تصريح مسؤؤؤله مو تصريحي تعليمكم ضعيف قكيف نثقبكم)

عبدالرحمن الشمري

وأود أن أشير أن الكثير من مخرجات الدبلوم لا تستطيع أن تواكب تطور الخدمات الصحية والقفزات العالية في المستجدات والحل الوحيد لهم هو إيجاد برامج تجسير لحملة الدبلوم وتجسيرهم لنيل البكالورويس ولا خيار آخر سوى تجسير.
والعالم المتقدم عمل بالتجسير منذ سنوات طويلة فأمريكا طبقته في الثمانينات وأوروبا في التسعينات وأعتقد بأنه يجب على الجامعات والمعاهد الخاصة أن تتجه إلى مساعدة وزارة الصحة في برامج التجسير ونطور أبناءنا وبناتنا ونستوعبهم فهم الذخيرة

(هذه امريكا واورباااء لاتعترف بالدبلومات من سنوااات )

مختبرات عاطله

انا خريجة فنية مختبرات طبيه من اربع سنوات وانتطر جدارة ومافي توظيف مباشر المستوصفات المستشفيات فيهم نقص ملحوظ وحنا جالسين بدون وظايف ليه

الجوري

طيب وفنيات المختبر وش وضعنا من جد تعبنا وحنا ننتظر وقدمنا خطابات لوزارة الصحه وتعبنا ويأسنا من الديوان مافيه وظايف والمستشفيات فيها نقص موظفين درسنا بفلوسنا وتخرجنا ولا توظفنا وفيه ناس الله يعلم بحالهم دراستهم بالسلف ويعيلون أهلهم مين راح يحس بوضعنا مين المسؤوول كل وزاره تحولنا للثانيه ولما نسأل متى بتنزل وظايف يقولون ماندري مين إللي يدري يعني ؟؟؟

خريحة صيدلة عاطلة

عبدالرحمن الشمري انت تتكلم عن التمريض وهو من الأساس توظيفهن مباشر ولا هم قاعدين يستنون الإذن منك حتى تسمح لهن بممارسة عملهن
يعني اللي أبيك تفهمه ان توظيفهن مبااااااشر ليومك هذا ولا فيه ممرضه عاطله عن العمل ..
وكل ما يبونه من تخصص صيدلة وغيره من الاقسام اللي مذكوره ومهمشينها هو مسواتنا بهن وفتح التوظيف المباشر من الخدمة المدنية
وانت الله يرضى عليك جملنا بسكوتك

pharmacy

اللهم بشرنا بالخير وافرجها علينا جميعاً وبشرنا بالسعاده وانت خير المبشرين وعوض صبرنا خير ياحي ياقيوم